پولیس حراست میں بانی پی ٹی آئی کی تینوں بہنوں کا دھرنا

پولیس کی حراست میں پی ٹی آئی کے بانی کی تینوں بہنوں نے اڈیالہ روڈ پر واقع شادی ہال میں دھرنا دے دیا، پی ٹی آئی کارکنان شادی ہال کے باہر جمع ہونا شروع ہو گئے اور نعرے بازی کی۔

پولیس نے ہال کا مین گیٹ بند کر دیا ہے۔پی ٹی آئی کارکنوں نے علیمہ خان سمیت تینوں بہنوں کی رہائی کا مطالبہ کیا ہے۔ پارٹی قیادت شادی ہال کے باہر موجود نہیں ہے۔

ذرائع کے مطابق راولپنڈی پولیس نے تینوں بہنوں کو گھر جانے کی پیشکش کی ہے جسے قبول کرنے سے انکار کر دیا ہے۔

راولپنڈی پولیس نے تحریک انصاف کے بانی کی تین بہنوں کو حراست میں لے لیا ہے۔ صاحبزادہ رضا اور عالیہ حمزہ بھی زیر حراست افراد میں شامل ہیں۔

چیئرمین پی ٹی آئی بیرسٹر گوہر نے بانی کی بہن کی حراست کی مذمت کی ہے۔

.ذرائع کے مطابق پولیس حکام نے بانی پی ٹی آئی کی بہنوں کو اڈیالہ جیل کے باہر سے حراست میں لیا اور گاڑی کو تھوڑی دور روک کر خواتین سے کہا کہ وہ تھانے نہیں لے جانا چاہتیں، اب اپنے گھروں کو جائیں۔

ذرائع کے مطابق پی ٹی آئی بانی اور عالیہ حمزہ کی بہنوں نے پولیس کی بات ماننے اور واپس آنے سے انکار کردیا، ذرائع کے مطابق خواتین نے پولیس حکام سے اصرار کیا کہ اگر انہیں حراست میں لیا گیا ہے تو وہ انہیں تھانے لے جائیں۔

جس کے بعد پولیس پی ٹی آئی کی خواتین کو اپنی تحویل میں لے کر نجی شادی ہال لے گئی۔

اور تمام خواتین پولیس وین سے نکل کر شادی ہال کے لان میں بیٹھ گئیں۔پولیس اہلکار بھی پی ٹی آئی کے بانی کی بہنوں کے ساتھ لان میں بیٹھ گئے ہیں۔

شادی ہال کا مین گیٹ بند ہے جب کہ عام لوگوں کو اندر جانے سے روک دیا گیا ہے۔اس سے قبل راولپنڈی پولیس نے تحریک انصاف کے بانی کی تینوں بہنوں کو حراست میں لے کر وین میں بٹھایا تھا۔پولیس حکام کی جانب سے حراست میں لیے گئے دیگر رہنماؤں میں صاحبزادہ حامد رضا، عالیہ حمزہ، نادیہ خٹک اور بانی چیئرمین کے کزن قاسم خان شامل ہیں۔