ویب ڈیسک: نیویارک کے نئے میئر زہران ممدانی نے اپنے عہدے کا پہلا دن بڑا فیصلہ کرتے ہوئے سابق میئر ایریک ایڈمز کے 26 ستمبر 2024 کے بعد کیے گئے تمام فیصلے منسوخ کر دیے۔
اس تاریخ کے بعد ایرک ایڈمز پر رشوت اور فراڈ کے الزامات میں فرد جرم عائد ہوئی تھی، جس کے پیشِ نظر زہران ممدانی نے شہر کے لیے کی جانے والی کئی پالیسیوں پر نظر ثانی کی۔
مزید برآں، نئے میئر نے ہولوکاسٹ یادگار اتحاد کے تحت منظور شدہ یہود دشمنی کی وضاحت کو بھی منسوخ کر دیا، جس سے نیویارک میں متعلقہ کمیونٹی کے حلقوں میں ردعمل متوقع ہے۔
یہ اقدام زہران ممدانی کی پہلی دن کی انتظامی کارروائی کے طور پر اہمیت رکھتا ہے اور شہر کی سیاست میں نئے رجحانات کی طرف اشارہ کرتا ہے۔
