حکومت کا نیا سال پر عوام کو تحفہ: پٹرولیم مصنوعات کی قیمتوں میں کمی کا امکان

حکومت نے نئے سال کے آغاز پر عوام کو ایک خوشخبری دینے کا فیصلہ کیا ہے۔ یکم جنوری 2025 سے پٹرولیم مصنوعات کی قیمتوں میں کمی کا امکان ظاہر کیا جا رہا ہے۔

حکام کے مطابق، بین الاقوامی منڈی میں خام تیل کی قیمتوں میں کمی کے باعث پٹرولیم مصنوعات کی قیمتوں میں اگلے 15 دنوں کے لیے بڑی کمی کا منصوبہ تیار کر لیا گیا ہے۔

سرکاری ذرائع کے مطابق:

پٹرول کی قیمت میں 10.60 روپے فی لٹر تک کمی متوقع ہے۔

ہائی سپیڈ ڈیزل کی قیمت میں 8.59 روپے فی لٹر تک کمی آ سکتی ہے۔

مٹی کے تیل کی قیمت میں 8.92 روپے فی لٹر کمی کا امکان ہے۔

لائٹ ڈیزل آئل کی قیمت میں 6.62 روپے فی لٹر کمی ہو سکتی ہے۔

اگر یہ تجویز منظور ہو جاتی ہے تو:

پٹرول کی قیمت موجودہ 263.45 روپے فی لٹر سے کم ہو کر تقریباً 252.85 روپے فی لٹر تک پہنچ جائے گی۔

ہائی سپیڈ ڈیزل کی قیمت 265.65 روپے سے کم ہو کر 257.06 روپے فی لٹر ہو جائے گی۔

مٹی کے تیل کی قیمت 180.54 روپے سے کم ہو کر 171.62 روپے فی لٹر پر آ جائے گی۔

یہ کمی عوام کے لیے ایک خوشی کا باعث بنے گی اور تیل کی قیمتوں میں استحکام کے ساتھ معیشت پر مثبت اثرات بھی مرتب ہوں گے۔