خیبر پختونخوا کے ضلع کرم میں سیکیورٹی فورسز کی کارروائیاں، بھارتی حمایت یافتہ 23 دہشت گرد ہلاک

پاک فوج کے شعبہ تعلقاتِ عامہ (آئی ایس پی آر) کے مطابق خیبر پختونخوا کے ضلع کرم میں سیکیورٹی فورسز نے دو مختلف کارروائیوں کے دوران بھارتی حمایت یافتہ خوارج کے 23 دہشت گردوں کو ہلاک کر دیا ہے۔
آئی ایس پی آر کے مطابق سیکیورٹی فورسز کو خوارج کی موجودگی کی اطلاع ملی، جس کے بعد ٹارگٹڈ آپریشن کیا گیا۔ پہلے آپریشن میں شدید فائرنگ کے تبادلے کے دوران 12 دہشت گرد ہلاک ہوئے، جب کہ دوسرے آپریشن میں خفیہ اطلاع کی بنیاد پر 11 مزید دہشت گرد ہلاک کیے گئے۔
پاکستانی فوج کا کہنا ہے کہ بھارتی حمایت یافتہ دہشت گردوں کے خلاف علاقے میں کلیئرنس آپریشن جاری ہے، اور ملک سے بیرونی حمایت یافتہ دہشت گردی کے مکمل خاتمے تک انسداد دہشت گردی کی مہم جاری رکھی جائے گی۔
یہ کارروائیاں ایسے وقت میں کی گئی ہیں جب علاقے میں دہشت گردوں کے خلاف سیکیورٹی فورسز کی مشن میں شدت آئی ہے۔ فوج نے اپنے عزم کا اعادہ کرتے ہوئے کہا کہ دہشت گردوں کے خلاف کارروائیاں جاری رہیں گی تاکہ پاکستان کو کسی بھی بیرونی مدد سے دہشت گردی سے آزاد کیا جا سکے۔