اسلام آباد: ہائر ایجوکیشن کمیشن (HEC) نے امریکا کی 100 اعلیٰ یونیورسٹیوں میں پی ایچ ڈی اسکالرشپ کے لیے درخواستیں جمع کرانے کا آغاز کر دیا ہے۔ یہ اسکالرشپس یو ایس۔پاکستان نالج کوریڈور پروجیکٹ کے تحت دی جا رہی ہیں۔
HEC کے مطابق پروگرام دو کیٹیگریز میں تقسیم کیا گیا ہے:
کیٹیگری 1: امریکا کی ٹاپ 50 یونیورسٹیاں، جہاں منتخب طلبہ کو ٹیوشن فیس، اسٹائپنڈ اور ہیلتھ انشورنس فراہم کی جائے گی۔
کیٹیگری 2: نمبر 51 سے 100 تک کی یونیورسٹیاں، جہاں منتخب طلبہ کو سالانہ 12 ہزار ڈالر کے مساوی ٹیوشن، اسٹائپنڈ اور ہیلتھ انشورنس دی جائے گی۔
اس موقع پر HEC نے طلبہ سے کہا ہے کہ وہ اپنے شعبہ تعلیم میں اعلیٰ تحقیق کے مواقع کے لیے جلد درخواستیں جمع کرائیں۔
