غیر رجسٹرڈ فون استعمال کرنے والے ہو جائیں خبردار!

پی ٹی اے کا شہریوں کو خبردار کرنے کا انتباہ: غیر رجسٹرڈ موبائل فون استعمال نہ کریں
اسلام آباد (18 نومبر 2025): پاکستان ٹیلی کمیونیکشن اتھارٹی (پی ٹی اے) نے شہریوں کو خبردار کیا ہے کہ غیر رجسٹرڈ موبائل فون استعمال کرنا خطرناک ہو سکتا ہے۔
پی ٹی اے کے مطابق غیر رجسٹرڈ موبائل فون سستے ہونے کے باوجود کسی بھی وقت بلاک کیے جا سکتے ہیں۔ ڈی آئی آر بی ایس سسٹم کے تحت صرف منظور شدہ ڈیوائسز ہی نیٹ ورک پر چل سکتی ہیں۔
شہری اپنے موبائل فون کے 15 ہندسوں پر مشتمل IMEI نمبر کے ذریعے اپنا فون چیک کر سکتے ہیں۔ IMEI نمبر حاصل کرنے کے لیے #06#* ڈائل کریں اور پی ٹی اے کی ویب سائٹ یا 8484 پر ایس ایم ایس کے ذریعے فون کا اسٹیٹس چیک کریں۔
اتھارٹی نے زور دیا کہ شہری بلاک ہونے سے قبل اپنے موبائل فون کو رجسٹر کروائیں تاکہ بلا رکاوٹ کنیکٹیویٹی برقرار رہے اور صرف منظور شدہ ڈیوائسز استعمال کی جائیں۔