دبئی پولیس نے شور مچانے والی گاڑیوں کے خلاف مؤثر کارروائی کے لیے جدید اے آئی ریڈار سسٹم نصب کر دیا ہے، جس کا مقصد شہر کو پرسکون اور مہذب بنانا ہے۔ یہ نئی ٹیکنالوجی شور کی نگرانی کرے گی اور اس کے ذریعے گاڑیوں کے شور کی سطح پر نظر رکھی جائے گی۔
پولیس کے مطابق، شور مچانے والی گاڑیوں پر ڈیڑھ لاکھ روپے تک کا جرمانہ عائد کیا جائے گا۔ اس کے علاوہ، زیادہ ہارن بجانے یا بلند آواز میں گانے سننے والے ڈرائیورز کو بھی جرمانہ کیا جائے گا۔ دبئی پولیس کا کہنا ہے کہ اس اقدام کا مقصد شہر کے رہائشیوں اور سیاحوں کے لیے بہتر اور پرسکون ماحول فراہم کرنا ہے۔
یہ نئی پالیسی دبئی کو دنیا کے پرسکون اور مہذب ترین شہروں میں شامل کرنے کی کوشش کا حصہ ہے۔ پولیس کا کہنا ہے کہ اس سسٹم کی کامیابی کے بعد آنے والے مہینوں میں اے آئی ریڈار کی تعداد میں بتدریج اضافہ کیا جائے گا تاکہ شور کو مزید کنٹرول کیا جا سکے۔
اس جدید نظام کے ذریعے دبئی کی پولیس کو گاڑیوں کے شور کی نگرانی میں آسانی ہوگی، اور یہ شہر میں سڑکوں پر شور شرابے کی کمی کے لیے ایک اہم قدم ثابت ہو گا۔
