فیلڈ مارشل سید عاصم منیر کا مصر، اردن اور سعودی عرب کا تاریخی دورہ — کامیاب ملٹری ڈپلومیسی کی شاندار مثال

اسلام آباد:
فیلڈ مارشل سید عاصم منیر نے حال ہی میں مصر، اردن اور سعودی عرب کا تاریخی اور اہم دورہ کیا، جو پاکستان کی کامیاب ملٹری ڈپلومیسی کی ایک شاندار مثال قرار دیا جا رہا ہے۔ ان دوروں کے دوران عرب ممالک کی اعلیٰ قیادت نے پاکستان کی مسلح افواج پر مکمل اعتماد اور اعتماد کا اظہار کیا۔

فیلڈ مارشل کے ان اہم دوروں میں انسدادِ دہشت گردی، دفاعی تعاون اور انٹیلی جنس کے اشتراک پر تفصیلی بات چیت کی گئی۔ علاقائی اور عالمی سطح پر بدلتے ہوئے حالات میں یہ ملاقاتیں مسلم ممالک کے درمیان عسکری اتحاد اور یکجہتی کی مضبوط علامت کے طور پر سامنے آئی ہیں۔

ذرائع کے مطابق، فیلڈ مارشل سید عاصم منیر کے یہ دورے پاکستان کے خطے میں امن، استحکام اور مشترکہ سلامتی کے لیے کلیدی کردار کو اجاگر کرتے ہیں۔ ان کی فعال عسکری سفارتکاری نے نہ صرف پاکستان کے دفاعی تعلقات کو مزید مضبوط کیا بلکہ ملک کے عالمی وقار میں نمایاں اضافہ بھی کیا ہے۔

تجزیہ کاروں کا کہنا ہے کہ "معرکۂ حق” کے بعد پاکستان کی کامیاب ملٹری ڈپلومیسی نے ملک کو عالمی افق پر ایک مضبوط، باوقار اور فعال ریاست کے طور پر ابھارا ہے۔