دبئی / لاہور (اسپورٹس ڈیسک) — ایشیا کپ 2025 کے سپر فور مرحلے میں پاکستان اور بھارت کے درمیان اتوار کو ہونے والے بڑے مقابلے کے لیے ٹکٹوں کی مانگ میں نمایاں اضافہ دیکھنے میں آیا ہے۔
ذرائع کے مطابق پاک بھارت ٹاکرا دیکھنے کے خواہشمند شائقین کی بڑی تعداد نے آن لائن ٹکٹنگ پلیٹ فارمز کا رخ کر لیا ہے، جس کے باعث کم سے کم ٹکٹ کی قیمت 350 درہم (تقریباً 27 ہزار پاکستانی روپے) تک جا پہنچی ہے۔
اتوار کو میدان سجے گا
ایشیا کپ کے سپر فور مرحلے کا یہ اہم ترین میچ اتوار کو کھیلا جائے گا، جس میں دونوں روایتی حریف ایک بار پھر آمنے سامنے ہوں گے۔ ٹورنامنٹ کا یہ مقابلہ نہ صرف شائقین بلکہ تجزیہ کاروں کی نظر میں بھی فیصلہ کن حیثیت رکھتا ہے۔
ہینڈ شیک تنازع بھی خبروں کی زینت
واضح رہے کہ اس سے قبل پاکستان اور بھارت کے درمیان گروپ میچ میں ہینڈ شیک تنازع سامنے آیا تھا، جس میں میچ ریفری اینڈی پائیکرافٹ نے مبینہ طور پر پاکستانی کپتان کو بھارتی کپتان سے مصافحہ نہ کرنے کا مشورہ دیا تھا۔
پاکستان کرکٹ بورڈ نے اس رویے پر سخت احتجاج کرتے ہوئے آئی سی سی سے اینڈی پائیکرافٹ کو ہٹانے کا مطالبہ کیا تھا۔ بعد ازاں اینڈی پائیکرافٹ نے اس معاملے پر پاکستانی کپتان سے معذرت کر لی تھی، جس کے بعد تنازع وقتی طور پر ٹھنڈا پڑ گیا۔
ٹکٹنگ صورتحال:
کم سے کم ٹکٹ قیمت: 350 درہم (تقریباً 27,000 PKR)
زیادہ تر کیٹیگریز میں ٹکٹس فروخت ہو چکے
آن لائن پلیٹ فارمز پر بلیک مارکیٹنگ کے خدشات بھی ظاہر کیے جا رہے ہیں
کرکٹ دیوانوں کی نظریں اتوار پر جمی ہیں
کرکٹ شائقین اس بڑے مقابلے کے لیے بےچینی سے منتظر ہیں، اور دونوں ملکوں میں جوش و خروش عروج پر ہے۔ سوشل میڈیا پر بھی "پاک بھارت میچ” ٹرینڈ کر رہا ہے۔
