سیالکوٹ: یومِ دفاعِ پاکستان کے موقع پر وزیرِ دفاع خواجہ محمد آصف نے سیالکوٹ میں منعقدہ تقریب سے خطاب کرتے ہوئے کہا کہ "پاکستان نے اپنے سے پانچ گنا بڑے دشمن کو شکست دی، اور دشمن آج بھی اپنے زخم چاٹ رہا ہے۔” ان کا کہنا تھا کہ چھ ستمبر کی تقریب میں مدعو ہونا ان کے لیے باعثِ فخر ہے۔
خواجہ آصف نے کہا کہ "بُنیان المَرصُوص” (سیسہ پلائی دیوار) ہماری افواج کی جرات، قربانی اور حب الوطنی کی علامت ہے، جو آنے والی نسلوں کے لیے مشعلِ راہ ہے۔ اُن کا کہنا تھا کہ قوم اپنی فوج کی قربانیوں کو سلام پیش کرتی ہے اور دفاعِ پاکستان سے متعلق تاریخ رقم کرنے پر ہمیشہ ممنون رہے گی۔
تجدیدِ عہد کا دن
وزیرِ دفاع نے کہا کہ:
"آج کا دن صرف یادگار ہی نہیں بلکہ وطن کے ساتھ تجدیدِ عہد کا دن بھی ہے — یہ دن ہمیں یاد دلاتا ہے کہ دشمن کتنی بھی طاقتور ہو، اگر قوم متحد ہو تو کوئی شکست نہیں دے سکتا۔”
انہوں نے اس موقع پر نوجوان نسل کو پیغام دیا کہ وہ قومی دفاع، یکجہتی اور حب الوطنی کے جذبے کو زندہ رکھیں، کیونکہ یہی قوموں کو مضبوط بناتا ہے۔
