موٹروے ایم ٹو (لاہور تا اسلام آباد) پر ٹول ٹیکس میں حالیہ اضافہ کنسیشن ایگریمنٹ کے مطابق سالانہ 10 فیصد اضافہ ہے، جس کا اطلاق فوری طور پر کر دیا گیا ہے۔ نئے ٹول ریٹس کی مدد سے موٹروے کی بہتر دیکھ بھال، جدید انفراسٹرکچر کی بہتری، اور محفوظ سفر کی سہولیات فراہم کی جائیں گی۔
اب کار، جیپ اور ٹیکسی کے لئے ٹول ٹیکس 1330 روپے مقرر کیا گیا ہے، جبکہ ویگن کے لیے یہ رقم 2240 روپے کر دی گئی ہے۔ بسوں کے لئے ٹول ٹیکس 3130 روپے، دو ایکسل ٹرکوں کے لیے 4460 روپے، تین ایکسل ٹرکوں کے لیے 5800 روپے اور آرٹی کیولیٹڈ ٹرک کے لیے 7460 روپے مقرر کیے گئے ہیں۔
این ایچ اے کا کہنا ہے کہ یہ اضافہ موٹروے کی روزمرہ کی دیکھ بھال، سیکورٹی بڑھانے اور جدید سہولیات مہیا کرنے کے لیے ناگزیر ہے تاکہ مسافروں کو محفوظ اور آرام دہ سفر کی یقین دہانی کرائی جا سکے۔
نئے ٹول ریٹس 25 اگست 2026 تک لاگو رہیں گے اور اس سے موٹروے پر سفر کرنے والوں کو بہترین خدمات فراہم کی جا سکیں گی۔
