اسلام آباد: انسدادِ دہشت گردی عدالت نے جی ایچ کیو گیٹ حملہ کیس میں پیش رفت کرتے ہوئے پی ٹی آئی رہنماؤں عمر ایوب، شبلی فراز، کنول شوزب اور دیگر 14 ملزمان کے ناقابلِ ضمانت وارنٹ گرفتاری جاری کر دیے۔
یہ اقدام ملزمان کی بار بار غیر حاضری اور سرنڈر نہ کرنے پر اٹھایا گیا۔ عدالت نے حاضری سے استثنیٰ کی تمام درخواستیں مسترد کرتے ہوئے کیس کی سماعت 3 ستمبر تک ملتوی کر دی۔
پراسیکیوشن کے مطابق، ملزمان قانون سے راہ فرار اختیار کیے ہوئے ہیں، لہٰذا انہیں کسی رعایت کا حقدار نہیں سمجھا جا سکتا۔ عدالت نے مؤقف سے اتفاق کرتے ہوئے سخت فیصلہ سنایا۔
قانونی ماہرین: "نظامِ انصاف میں سنجیدہ پیش رفت”
قانونی ماہرین کا کہنا ہے کہ یہ پیش رفت قانون کی بالادستی کا مظہر ہے اور یہ ظاہر کرتی ہے کہ ملک میں انصاف کا نظام متحرک ہے۔ توقع ہے کہ آئندہ سماعت میں مزید اہم پیش رفت سامنے آئے گی۔
