راولپنڈی:
پاکستان کے 78ویں یومِ آزادی پر چیف آف آرمی اسٹاف فیلڈ مارشل سید عاصم منیر، جنرل ساحر شمشاد مرزا، ایڈمرل نوید اشرف اور ائیر چیف مارشل ظہیر احمد بابر سدھو نے قوم کو مبارکباد دیتے ہوئے کہا ہے کہ یہ دن قومی اتحاد، استقامت اور امید کا دن ہے۔
مسلح افواج نے بانیانِ پاکستان اور تحریک آزادی کے شہداء کو خراجِ عقیدت پیش کرتے ہوئے کہا کہ ان کی لازوال قربانیاں آج بھی رہنمائی کا مینار ہیں۔
قیادت نے ملک کی خودمختاری، آئینی بالادستی اور علاقائی سالمیت کے تحفظ کے عزم کا اعادہ کیا۔ پیغام میں کہا گیا کہ مسلح افواج اور عوام کا رشتہ ہماری اجتماعی طاقت کی بنیاد ہے۔
عسکری قیادت نے اس عزم کو دہرایا کہ:
"ہم امن، ترقی اور قومی یکجہتی کے لیے اپنی کاوشیں جاری رکھیں گے، اور ایمان، اتحاد و قربانی کے جذبے سے ایک مضبوط و خوشحال پاکستان کی تعمیر کریں گے۔”
