اسلام آباد (نیوز رپورٹر) — ملک بھر میں جاری طوفانی بارشوں نے قیمتی جانوں اور املاک کو شدید نقصان پہنچایا ہے۔ قومی آفات کے انتظامی ادارے (این ڈی ایم اے) کی تازہ ترین رپورٹ کے مطابق، حالیہ بارشوں کے نتیجے میں اب تک 221 افراد جاں بحق ہو چکے ہیں، جب کہ سینکڑوں افراد زخمی اور سیکڑوں مکانات منہدم ہو چکے ہیں۔
رپورٹ میں بتایا گیا ہے کہ 804 مکانات مکمل طور پر تباہ ہو چکے ہیں جبکہ گزشتہ 24 گھنٹوں کے دوران مزید 5 افراد جاں بحق ہوئے، جن میں 3 بچے بھی شامل ہیں۔ اس دوران 25 مزید مکانات گر گئے اور 5 مویشی بھی ہلاک ہوئے۔
صوبہ وار صورتحال:
پنجاب:
135 اموات، 470 زخمی
24 مکانات مکمل اور 168 جزوی طور پر تباہ
خیبرپختونخوا:
40 اموات، 69 زخمی
78 مکانات مکمل، 142 جزوی نقصان
سندھ:
22 اموات، 40 زخمی
33 مکانات مکمل، 54 جزوی تباہی
بلوچستان:
16 اموات، 4 زخمی
8 مکانات مکمل، 56 جزوی متاثر
گلگت بلتستان:
3 افراد زخمی
66 مکانات مکمل، 71 جزوی تباہی
آزاد کشمیر:
1 ہلاکت، 6 زخمی
17 مکانات مکمل، 75 جزوی متاثر
اسلام آباد:
1 ہلاکت
1 مکان مکمل اور 35 جزوی طور پر تباہ
امدادی اقدامات اور اپیل
این ڈی ایم اے نے ملک بھر میں موجود متعلقہ اداروں کو الرٹ کر دیا ہے تاکہ ہنگامی صورتحال سے بروقت نمٹا جا سکے۔ ادارے نے بتایا کہ بارشوں کے نتیجے میں 200 سے زائد مویشی بھی ہلاک ہوئے ہیں، جس سے دیہی علاقوں میں معاشی مسائل مزید گہرے ہو گئے ہیں۔
عوام سے اپیل کی گئی ہے کہ وہ بارش کے دوران غیر ضروری سفر سے گریز کریں اور ضلعی انتظامیہ کی ہدایات پر سختی سے عمل کریں تاکہ مزید جانی نقصان سے بچا جا سکے۔
