لاہور: پنجاب میں ترقی کا نیا دور شروع! وزیر اعلیٰ پنجاب مریم نواز نے پنجاب ڈویلپمنٹ پروگرام کے تحت 189 شہروں میں تعمیر و ترقی کے بڑے منصوبوں کی منظوری دے دی ہے، جس سے صوبے کے شہری و دیہی علاقوں میں انفراسٹرکچر کی بہتری کو نئی رفتار ملے گی۔
وزیر اعلیٰ کی زیرِ صدارت ہونے والے خصوصی اجلاس میں Communication & Works (C&W) کی کارکردگی، جاری ترقیاتی منصوبوں اور سڑکوں کی تعمیر و مرمت سے متعلق تفصیلی بریفنگ دی گئی۔
🚧 12,000 کلومیٹر طویل سڑکوں کی تعمیر مکمل
اجلاس میں بتایا گیا کہ گزشتہ کئی دہائیوں سے نظرانداز کی جانے والی سڑکوں کی مرمت اور تعمیر کا کام تیزی سے جاری ہے۔ اب تک 1214 سڑکوں کی تعمیر مکمل ہو چکی ہے، جن کی مجموعی لمبائی 12 ہزار کلومیٹر ہے۔
وزیر اعلیٰ مریم نواز نے اس موقع پر کہا:
"30 سال سے جو سڑکیں نہیں بن سکیں، وہ اب بن رہی ہیں۔ ہم صرف سڑکیں نہیں بنا رہے بلکہ تعمیر کا معیار بھی یقینی بنا رہے ہیں۔”
💡 ٹھیکیداری نظام سے ہٹ کر ڈیجیٹل اصلاحات
اجلاس میں روایتی ٹھیکیداری نظام کی جگہ جدید ڈیجیٹل ٹول سسٹم لانے پر بھی اتفاق کیا گیا تاکہ شفافیت، کارکردگی اور معیار کو یقینی بنایا جا سکے۔
🚦 نئے منصوبے اور مستقبل کی سمت
ملتان-وہاڑی ایڈیشنل کیرج وے
فیصل آباد-چنیوٹ روڈ
لاہور-لیہ-بھکر ایم تھری، ایم فور ایکسپریس وے جیسے اہم منصوبے بھی منظوری کے بعد اگلے مراحل میں داخل ہو چکے ہیں۔
وزیر اعلیٰ نے ہدایت کی کہ:
"تمام جاری منصوبے رواں سال کے اختتام تک مکمل کر لیے جائیں تاکہ عوام جلد از جلد ان سہولیات سے مستفید ہو سکیں۔”
