عمران خان کے ایکس اکاؤنٹ سے متعلق اہم جیل رپورٹ سامنے آگئی

اسلام آباد — بانی پی ٹی آئی عمران خان کے ایکس اکاؤنٹ کے بارے میں عدالت میں جمع کرائے گئے مفصل جواب میں سپرنٹنڈنٹ اڈیالہ جیل نے وضاحت کی ہے کہ:

جیل سے اکاؤنٹ چلانے کا تاثر غلط اور قیاس آرائیاں بے بنیاد ہیں۔

عمران خان سخت سرویلنس میں ہیں اور ان کے پاس موبائل یا کسی بھی ممنوع چیز کی موجودگی نہیں ہو سکتی۔

جیل میں موبائل سگنلز جیمر نصب ہیں، جس سے اندر اور اطراف میں موبائل سگنلز بند رہتے ہیں۔

بانی پی ٹی آئی اور اسٹاف کو مستقل سرچ کیا جاتا ہے، اس لیے کسی بھی غیر قانونی سہولت تک رسائی ناممکن ہے۔

جیل رول 265 انہیں سیاسی گفتگو سے روکتا ہے، البتہ بعض اوقات وکلا اور فیملی قانون کی خلاف ورزی کرتے ہوئے سیاسی بحث میں مشغول ہو جاتے ہیں۔

اکاؤنٹ جیل کے باہر سے چلایا جا رہا ہے، جیل میں نہ موبائل کی سہولت ہے نہ انٹرنیٹ۔

عمران خان کو صرف وہی سہولیات میسر ہیں جو جیل رولز یا عدالت کے مطابق دی جاتی ہیں۔

سپرنٹنڈنٹ نے واضح کیا کہ ماضی میں جیل سے جاری سیاسی ہدایات نے بعض اوقات معاشرے میں کشیدگی پیدا کی، لیکن موجودہ ایکس اکاؤنٹ جیل کے اندر سے آپریٹ نہیں ہو رہا۔