سعودی حکومت کی فین ٹرپ مہم: حج انتظامات کا جائزہ لینے کے لیے عالمی وفود کا سعودی عرب پہنچنا
سعودی حکومت نے عازمین حج کو مزید بہتر سہولتیں فراہم کرنے کے لیے پہلی مرتبہ "فین ٹرپ” مہم کا آغاز کر دیا ہے، جس میں پاکستان سمیت 14 ممالک کے پرائیویٹ حج آرگنائزر شریک ہوئے ہیں۔
یہ مہم حج انتظامات کے جائزے کے لیے ترتیب دی گئی ہے، جس کا مقصد عالمی وفود کے ساتھ حج کی تیاریوں اور انتظامات پر تبادلہ خیال کرنا ہے۔ پاکستان کی نمائندگی چیئرمین پرائیویٹ حج آپریٹرز ناصر خان نے کی۔
فین ٹرپ کے دوران سعودی حکام سے اہم ملاقاتیں کی گئیں اور حج 2026 سے متعلق مختلف تجاویز پیش کی گئیں۔ اس موقع پر حجاج کو فراہم کی جانے والی سہولتوں کا جائزہ لیا گیا، جن میں ٹرانسپورٹ، کھانے پینے کی خدمات، رہائش اور دیگر ضروری سہولتیں شامل ہیں۔
مہم کا مقصد آئندہ سالوں میں عازمین حج کی سہولتوں کو مزید بہتر بنانا اور ان کے تجربات کو پُر سکون اور سہل بنانا ہے۔
