اسٹیٹ بینک کی مانیٹری پالیسی کمیٹی کا اجلاس آج ہوگا
اسٹیٹ بینک آف پاکستان کی مانیٹری پالیسی کمیٹی کا اہم اجلاس آج ہو گا، جس میں موجودہ معاشی اشاریوں کا تفصیل سے جائزہ لیا جائے گا اور شرح سود کے تعین کا فیصلہ کیا جائے گا۔ اس اجلاس کے نتیجے میں ملک کی معاشی صورتحال کی بنیاد پر آئندہ مالی حکمت عملی وضع کی جائے گی۔
گزشتہ چار مرتبہ اسٹیٹ بینک نے شرح سود کو گیارہ فیصد پر برقرار رکھا ہے، جس پر ماہرین کا کہنا ہے کہ اس وقت کی سخت مانیٹری پالیسی خاص طور پر آئی ایم ایف کے دباؤ کی وجہ سے ہے۔ توقع کی جارہی ہے کہ آئندہ ہفتے آنے والی مانیٹری پالیسی میں بھی شرح سود برقرار رکھی جائے گی، کیونکہ موجودہ پالیسی ریٹ چھ فیصد مہنگائی سے پانچ فیصد زیادہ ہے۔
مہنگائی کی شرح میں کمی اور شرح سود کے بلند ہونے کے باوجود تاجر برادری مسلسل شرح سود میں کمی کا مطالبہ کر رہی ہے، تاکہ کاروباری سرگرمیاں دوبارہ بڑھ سکیں اور اقتصادی ترقی کو تقویت ملے۔ تاہم، اس بارے میں اسٹیٹ بینک کے فیصلے کا انحصار ملک کی مجموعی اقتصادی صورتحال اور آئی ایم ایف سے معاہدے پر ہوگا۔
