لاہور (نمائندہ خصوصی)
لاہور کے علاقے ڈی ایچ اے فیز 6 میں ایک ڈمپر نے موٹر سائیکل کو ٹکر مار دی جس کے نتیجے میں تین افراد جاں بحق ہو گئے۔
ریسکیو حکام کے مطابق، ڈمپر کی ٹکر کے نتیجے میں موٹر سائیکل پر سوار تین افراد کی جان چلی گئی۔ واقعے کے فوراً بعد ڈمپر کا ڈرائیور موقع سے فرار ہوگیا۔
تفصیلات کے مطابق جاں بحق افراد کا تعلق ضلع قصور سے تھا۔ ان افراد کی لاشیں ڈیڈ ہاؤس منتقل کر دی گئی ہیں، اور پولیس حکام کا کہنا ہے کہ فرار ہونے والے ڈرائیور کی تلاش شروع کر دی گئی ہے۔
